НИЙСЛЭЛИЙН ЕРӨНХИЙ БОЛОВСРОЛЫН “ТЭГШ ХАМРУУЛАГЧ БАЙГУУЛЛАГА”-ААР БОЛОВСРОЛ ЦОГЦОЛБОР СУРГУУЛЬ ТОДОРЛОО

Монгол улсад “Боловсролын тухай”, “Сургуулийн өмнөх боловсролын тухай”, “Бага дунд боловсролын тухай”, “Хөгжлийн бэрхшээлтэй хүний эрхийн тухай” хуулиудад боловсролын тусгай хэрэгцээ шаардлагатай суралцагчийн эрх, үүрэг, хэрэгцээ шаардлагыг тусгасан байдаг.

Тухайн байгууллагын багш нар тэгш хамран сургах боловсролын талаар нэгдсэн ойлголттой болж хөгжлийн ялгаатай хэрэгцээтэй суралцагчдад боловсролын үйлчилгээг чанартай, хүртээмжтэй үзүүлж, сурч боловсрох эрхээ эдлэхэд тулгарч буй саад бэрхшээлийг арилгахад хамтын оролцоотойгоор ажиллаж, үр дүнд хүрсэн байгууллагыг 2 дахь удаагаа шалгаруулж, урамшуулж байна.

Энэ удаагийн шалгаруулалтад 8 дүүргийн ерөнхий боловсролын 11 сургууль, 4 цэцэрлэг буюу нийт 15 байгууллага хамрагдсан бөгөөд “ТЭГШ ХАМРУУЛАГЧ БАЙГУУЛЛАГА”-аар Б.Буянхишиг захиралтай нийслэлийн Багануур дүүргийн Боловсрол цогцолбор сургууль шалгарлаа.