Бага боловсролын багш нарын “СПОРТ НААДАМ 2023” таван төрөлт тэмцээн

2023 оны 03 дугаар сарын 12-нд нийслэлийн 9 дүүргийн бага боловсролын багш нарын дунд зохион байгуулсан “Спорт наадам 2023” таван төрөлт тэмцээнийг нийт бага боловсролын менежер, багш нар болон Багануур дүүргийн Боловсролын хэлтэс, Гүн Галуутай цогцолбор сургуультай хамтран амжилттай зохион байгууллаа. Тэмцээний шагналын санд дэмжлэг үзүүлж 1 сая төгрөгөөр ивээн тэтгэсэн Н.Тавинбэх,100,000 төгрөгөөр ивээн тэтгэсэн О.Үүрцайх, 900,000 төгрөг хандивласан нийт бага ангийн багш нартаа, сайхан сэтгэлээр дэмжсэн эцэг эхчүүддээ халуун талархал илэрхийлье.

Уг тэмцээний нээлтийн ажиллагаанд нийслэлийн бага боловсрол хариуцсан мэргэжилтэн Л. Уртнасан, Д.Ариунболд, дүүргийн Боловсролын хэлтсийн дарга Н.Алтансүх, мэргэжилтэн Ц.Ононтунгалаг, Оюуны Эрин цогцолбор сургуулийн захирал Б. Амгалан болон дүүргийн 3 сургуулийн бага боловсрол хариуцсан сургалтын менежерүүд оролцлоо. Тус тэмцээний төрийн дууллыг Боловсрол ЦС-ийн эрүүл мэндийн багш Н.Энхбаатар, хөгжмийн багш Т.Отгонбаатар, биологийн багш Л.Пүрэвсүрэн нар хилийн цэргийн 0252-р ангийн үлээвэр хөгжмийн хамт дуулж, гавьяат багш Б.Балжиннямын “Бүжиг бүжиг” хамтлаг бүжгээ бүжиглэж, СТА дуучин Өсөхцэнгэл дуугаа дуулж, гадаад хэлний багш М.Бадамханд хөтлөн явуулж, дүүргийн 3 сургуулийн биеийн тамирын багш нар шүүж, олон хүний зүрх сэтгэлээс ундарсан гайхалтай нээлт болж чадсан. Нэгэн үзүүрт сэтгэлээр нэгдэж, дүүргийнхээ нэрийг гаргаж сайхан зохион байгуулсан бага ангийн багш нартаа баярлалаа. Ажлын хэсэгтээ дахин дахин баярлалаа.