Их нүүдэл – 2022 Нийслэлийн аварга шалгаруулах тэмцээн

ӨСВӨРИЙН ШАТАРЧДЫН “ИХ НҮҮДЭЛ” ТЭМЦЭЭНИЙ ХҮРЭЛ МЕДАЛИЙН ЭЗНЭЭР БОЛОВСРОЛ ЦОГЦОЛБОР СУРГУУЛИЙН БАГ, СУРАГЧИД ШАЛГАРЛАА

Нийслэл хот үүсэн байгуулагдсаны 383 жилийн ойн хүрээнд Нийслэлийн Засаг дарга бөгөөд Улаанбаатар хотын захирагчийн ивээл дор зохион байгуулагдаж буй нийслэлийн аварга шалгаруулах өсвөрийн шатарчдын “ИХ НҮҮДЭЛ” тэмцээнд манай сургуулийн баг тамирчид амжилттай оролцож 3дугаар байр эзлэн ХҮРЭЛ медалийн эзэд боллоо.

Тэмцээн 3 үе шаттай явагдсан бөгөөд I шат буюу сургуулийн аварга шалгаруулах тэмцээнд нийслэлийн ерөнхий боловсролын сургуулийн 6100 гаруй бүлгийн 30 гаруй мянган суралцагч, II шат буюу дүүргийн аварга шалгаруулах тэмцээнд 9 дүүргийн 98 сургуулийн 2352 суралцагч оролцож, III шат буюу нийслэлийн шигшээ тэмцээнд нийт 17 багийн 408 хүүхэд уран нүүдэл, оюун ухаанаараа өрсөлдөж, “Их нүүдэл” тэмцээний аваргаа тодрууллаа.

Тэмцээнд амжилттай оролцсон нийт сурагчид, бэлтгэн оролцуулсан багш Ц.Батболд, Ц.Ариунтуяа нартаа, эцэг эхчүүддээ баяр хүргэж талархал илэрхийлье.