Дэлхийн бүжгийн өдрөөр дүүргийн Соёлын ордонд Засаг даргын дэргэдэх Бүжиг бүжиг чуулга 2021-2022 оны хичээлийн жилийн хаалтын тайлан тоглолтоо амжилттай зохион байгууллаа. Тайлан тоглолтыг нээж дүүргийн Засаг дарга С.Даваасүрэн багш, сурагч, эцэг эхчүүдэд талархал илэрхийлж, тус чуулгын менежер, бүжгийн багш Д.Долгормаад Монгол улсын ерөнхийлөгч У.Хүрэлсүхийн зарлигаар Хөдөлмөрийн гавъяаны улаан тугийн одонгоор шагнагдсныг гардуулан өглөө. Бүжиг бүжиг чуулгын авъяаслаг бяцхан сурагч нар ОХУ-ын Якутск, Буриад улсын нийслэл Улаан-Үд хотод болсон олон улсын бүжгийн конкурс уралдаанд ардын бүжгийн төрөлд амжилттай оролцож, шагналт байранд шалгарсан бөгөөд шагналыг МУГБ Б.Балжинням, Боловсрол ЦС-ийн захирал Б.Буянхишиг, чуулгыг үүсгэн байгуулагчийн нэг н.Сайханзаяа нар гардуулсан юм. Чуулгын бүжигчин сурагчид өөрсдийн сурч мэдсэн шинэхэн бүжгээрээ тайлан тоглолтоо толилууллаа.
Visit Today : 111
Visit Yesterday : 427
Total Visit : 163274
Loading ...