“Хог ба баялаг” уралдаан

Нийслэлийн ерөнхий боловсролын лаборатори Боловсрол цогцолбор сургуулийн Дизайн технологийн ЗАН-ийн багш нар ДЗМОУБ Багануур ОНХ-ийн санаачилга, дэмжлэгтэйгээр “ХОГ бол ХАЯГДАЛ” уралдааныг анги хамт олны дунд амжилттай зохион байгууллаа. Удирдамжинд заасны дагуу VI-VII, VIII-IX, X-XII ангиудын дунд 2021 оны 11 дүгээр сарын 22-ны өдрөөс 2021 оны 12 дугаар сарын 17-ны өдрийн 13:00 цаг  хүртэл уралдааныг зарлан бүтээлийг хүлээн авч дүгнэлээ.

Бүтээлийн уралдаанаас гадна суралцагчдад Хог хаягдлын тухай хууль болон хог хаягдлыг хэрхэн ангилах талаар сургалтыг мөн явуулж байлаа. Уралдааныг зохион байгуулсанаар суралцагчид хамт олонч, багаар ажиллах идэвх оролцоо өндөртэй, санаачлагатай байлаа.

Уралдаанд нийт 20 анги хамрагдсанаас VI-VII, VIII-IX, X-XII ангиудаас тэргүүний нэг, нэг ангийг шалгарууллаа. Уралдааны үр дүнд ангилал тус бүрээс шалгарсан анги тус бүрд ариутгалын гэрэл, сургуульд 12 ширхэг хогийн сав, Дизайн технологийн багш нарт сургалтын хэрэглэгдэхүүнээр дэмжлэг үзүүллээ.

VI-VII ангиудаас Д.Одончимэг багштай 6-7 анги

VIII-IX ангиудаас Д.Туяацэцэг багштай 8-7 анги

X-XII ангиудаас С.Доржпалам 10-4 анги тус тус шалгарлаа.