Олон улсын эмэгтэйчүүдийн эрхийг хамгаалах өдөр

Posted by Bolovsrol complex on 2021-03-16 in Мэдээ мэдээлэл | 0 CommentEdit

Боловсрол цогцолбор сургуулийн эмэгтэйчүүдийн зөвлөлөөс “Олон улсын эмэгтэйчүүдийн эрхийг хамгаалах өдөр”-ийг угтаж нийт эмэгтэй багш, ажилчдын дунд дараах арга хэмжээнүүдийг зохион явууллаа. Үүнээс 2 ажлыг нь Үйлдвэрчний эвлэлийн хороотойгоо хамтарч явууллаа.

Үйлдвэрчний эвлэлийн хороотой хамтран “ТИК ТОК” хөгжилтэй видео бичлэгийн уралдаан, “АЗТАН” сугалааг цахимаар явуулсан бол эмэгтэйчүүдийн зөвлөлөөс “Алдарт эхийн одонтой ээжүүдээ алдаршуулъя” арга хэмжээ, “ХАЙРЛАХ НЬ ХУВААЛЦАХААС ЭХЭЛДЭГ” хандивын аяныг өрнүүлэн аяны хүрээнд өрх толгойлсон нэгэн ээжид оюутны сургалтын төлбөрт нь 900.000 төгрөгийн мөнгөн тусламж, 6 сайхан хүүхэдтэй ээжид гэрийн иж бүрэн тавилгыг шийдвэрлэж өглөө. Мөн 3 залуу багшийн зүгээс ивээн тэтгэн “Ээжтэйгээ байх сайхан” фото зургийн уралдааныг нийт багш ажилчдынхаа дунд зохион байгуулан ээж нарыг нь баярлууллаа.

Үйлдвэрчний эвлэлээс цэргийн баярын өдөр эмэгтэй ажилчдаа баярлуулж, ивээн тэтгэгчдийн бэлгийг гардуулсан бол мөн багш, ажилтан, ажилчдын дунд “Ээждээ захидал бичээрэй” уралдааныг зохион байгууллаа.