Сургууль – гэр орчны аюулгүй байдлын зураглал

“Нэмүүхэн тал” ТББ санаачлан нийслэлийн ерөнхий боловсролын лаборатори “Боловсрол” цогцолбор сургууль, ДЗМОУБ-ын Багануур ОНХХ хамтран Багануур дүүргийн гурван цогцолбор сургуулийн суралцагчдын “Сургууль – гэр орчны аюулгүй байдлын зураглал” гаргах ажлын хүрээнд хийгдэх эхний ажил болох эцэг эх, суралцагчид, нийгмийн ажилтнуудын хамтарсан хэлэлцүүлгийг 2019 оны 11 дүгээр сарын 8-ны өдөр Боловсрол цогцолбор сургуулийн хичээлийн I байрны урлаг зааланд зохион байгууллаа. Хэлэлцүүлгийн үр дүнд аливаа осол эндэгдэл, гэмт хэргээс урьдчилан сэргийлэхийн тулд судалгаа шинжилгээ, үнэлэмж, дүгнэлт хийж, ээлгүй, аюултай байдлыг тодорхойлсноор цаашид сургуулийн удирдлага, багш нар, эцэг эхчүүд, суралцагчид хамтран өөрсдийн оролцоотойгоор өөрчлөлт шинэчлэлтийг хийх тулгамдаж буй асуудлуудаа илрүүлээд орхихгүй газрын зураглалын аргыг ашиглан холбогдох төр захиргааны байгууллага, удирдлагууд, ИТХ-д танилцуулахаар боллоо.