Миний Бүтээл Миний Ирээдүй

Төсөлд шалгарсан багуудын нэгдсэн уулзалт амжилттай болж өнгөрлөө.

Налайх, Багануур, Багахангай дүүргийн ЕБС-ийн ахлах ангийн сурагчдын дунд уламжлал болгон зохион байгуулдаг ‘’Миний бүтээл-Миний ирээдүй’’ шилдэг төсөл шалгаруулах уралдаанд 77 бүлгийн 2100 орчим хүүхэд оролцож, 160 гаруй төсөл өрсөлдсөнөөс шилдэг 25 төсөл шалгарсан.

Дээрх шилдэг 25 төслөөс эхний 5 байранд шалгарсан төслүүд эхний санхүүжилтээ авч хэрэгжиж эхлээд байна.

Өнөөдөр МУ-ын Шадар сайдын ажлын албаны төлөөлөл 3-н дүүргийн ЕБС-ийн эхний 5 байранд шалгарсан төслийн багийнхан, сургуулийн захиргаа багш, эцэг эхийн төлөөлөлтэй уулзаж төслүүдийн хэрэгжилтийн явцын талаар санал солилцлоо.

‘’Миний бүтээл-Миний ирээдүй’’ төслийн уралдаан оролцож өөрсдийгөө нээн илрүүлсэн нийт сурагчид та бүхэндээ амжилт хүсье