“ЧАДВАРЛАГ БАГ – ЧАНАРТАЙ БОЛОВСРОЛ” урамшуулалд БОЛОВСРОЛ ЦОГЦОЛБОР СУРГУУЛЬ шалгарлаа

Ерөнхий боловсролын сургууль, цэцэрлэгийн багш, суралцагчдыг идэвхжүүлэх, тэдний өрсөлдөх чадварыг нэмэгдүүлэх, хамтын ажиллагааг сайжруулах, багшийн үнэлэмж, багаар ажиллахын давуу талыг нэмэгдүүлэх, зорилгоор дүүргийн ИТХ-ын 2022 оны 25 дугаар тогтоолоор боловсролын салбарын багш, суралцагч, заах аргын нэгдэлд урамшуулал олгох “ЧАДВАРЛАГ БАГ-ЧАНАРТАЙ БОЛОВСРОЛ” журам батлагдан эхний жилдээ хэрэгжиж байна. Тус журам нь 3 хавсралттай батлагдаж, шинээр бага ангийн (5 дугаар анги) болон, сургуулийн өмнөх боловсролын байгууллагын заах аргын нэгдлийг урамшуулахаар болсон.

Сургуулийн өмнөх боловсролын бэлтгэл бүлэг, ерөнхий боловсролын сургуулийн 5 дугаар ангийн суралцагчдын мэдлэг чадвар, хөгжлийн ахицыг үнэлэх үнэлгээг 2023 оны 05 дугаар сарын 08-11-ний өдрүүдэд зохион байгуулж, дүнгээ гаргалаа.

Сургуулийн өмнөх боловсролын байгууллагаас:

1 дүгээр байранд Б.Түмэнжаргал эрхлэгчтэй 138 дугаар цэцэрлэг

2 дугаар байранд М.Нэргүй эрхлэгчтэй 235 дугаар цэцэрлэг

3 дугаар байранд Б.Цэвэл-Янжин эрхлэгчтэй 142 дугаар цэцэрлэг

Ерөнхий боловсролын сургуулиас Б.Буянхишиг захиралтай нийслэлийн ерөнхий боловсролын лаборатори БОЛОВСРОЛ цогцолбор сургууль тус тус шалгарлаа.

БҮГДЭД НЬ БАЯР ХҮРГЭЕ.